˗ˏˋElate Cosmetics粉底報告!ˎˊ˗

by Yanyi Li

其實,間shop叫得美顏藝BeautySkills,當然係指會有好多美容化妝心得同大家分享。我真係當武功咁傳授俾大家架!

第一期blog,咁今次就同大家解鎖呢期我大愛嘅Elate Cosmetics粉底s(因為有兩款,所以要用s)嘅使用技能同試用報告!

Elate Cosmetics係一個嚟自加拿大嘅環保純素化妝品牌。Elate Cosmetics嘅粉底美顏藝BeautySkills係香港獨家,係咪好架勢先!

咁大家準備好接招未?

好喇,粉底亮相!

故名思義,Fresh Tint Foundation比較輕透;Full Tint Foundation就比較無瑕。(所以我幫佢地改左輕透粉底液同無瑕粉底霜呢兩個名係咪改得好好呀咁掌聲呢😎)

試上手Fresh TintFull Tint嘅感覺差唔太多嘅,都係mosses質地,但就咁睇都覺得Fresh Tint比較輕身,Full Tint比較creamy。

但一推開就見到真面目喇!Fresh Tint係輕盈少許,而且水感啲。相反呢,Full Tint就比較綿密,有少少似雪糕。兩款粉底都非常好推,延展度又高,少少一粒豆嘅份量,已經可以用全面架啦。

另外有個好處我好欣賞,就係可根據想要嘅遮瑕度,去選唔同上妝工具。

用手遮瑕度就最自然,而且經濟又快。但我就不了,因為美顏我有留指甲,大家懂的。用粉底遮瑕度都有中度,我最prefer!依家大熱嘅Beauty Blender都得架,用完更有光澤感。

 Fresh Tint係有pump的包裝,適合旅人!

Full Tint 罐裝包裝,份量比較好拿捏。
 

遮瑕度嚟講,當然係Full Tint略勝一籌啦,有中至高嘅遮瑕度,比較適合有瑕疵嘅時候用。Fresh Tint就係自然遮瑕度,好適合素肌妝,Good Skin Day週末出街必備的粉底。

美顏我返工day day都係用Fresh Tint嘅,貪佢自然啲。但!有重要場合例如重要會議呀攻陷男神呀約左前度呀見未來奶奶呀,Full Tint就好適合喇!

Fresh Tinit持妝度非常好,唔補妝的情況下,都keep到大半日,可以隨便放飛自我都唔脫妝!!Full Tint個持妝感都好唔錯,過左大半日(如果有出面油)會同皮膚blend得更好,好白滑個種feel!

講到適用膚質,我覺得呢兩款其實係適合所有膚質嘅。粉底有荷荷巴油,椰子油成份,可以保濕滋潤肌膚。美顏我混合偏乾,上完粉好有光澤感,有種奶油肌嘅feel,真係完美絕殺!

如果皮膚比較油嘅朋友們,用定妝粉就無問題,Elate Cosmetics嘅仙女定妝粉幫到你!

總括而言,Elate Cosmetics嘅粉底絕對係性價比好高。而且佢無動物測試,全純素天然成份,好適合初想入手organic化妝護膚行列嘅朋友!

大概係咁。好開心喺到同大家分享兩款近期嘅愛用,有咩問題可以留言問。

愛你們唷,下期再見👋🏻

🔮Follow 美顏藝BeautySkills Instagram: beautyskillshk